غلطاتك
علشان مالقيتنى اميرة == وبسامحك على غلطاتك
الغلطة حتبقى كبيرة == وتكتر من حركاتك
ولانافع فيك تكشيرة == راح اسيبك ويااهاتك
انا قلبى فى دنيا كبيرة == ياما غلب زى حالاتك
راح اسيبك ويا اهاتك
من اول يوم تقابلنى == كان لسه ماتعرفنيش
المح فى عنيك تشاغلنى== ابعد ماتشغلنيش
ان كنت عاملها تسالى == عمرك ما اتشغل بالى
وحتسهر ياما ليالى == ولا احقق امنياتك
واسيبك ويااهاتك
ان كان فكرك نتفاهم== نتفاهم سوا فى هداوه
ولاتعمل نفسك هايم== فى الحب وغاوى شقاوه
انا بنت اصول واصيله== اخلاقى عاليه جميله
لابويا تعاله الليله == مع اهلك مع اخواتك
واسامحك على غلطاتك